കുവൈറ്റിലെ മിഷ്റഫ് എക്സിബിഷൻ ഗ്രൗണ്ടിലെ ഹാൾ നമ്പർ 8-ൽ തൊഴിലാളികൾക്കുള്ള മെഡിക്കൽ ടെസ്റ്റ് സെന്റർ ഈദ് അവധിക്ക് ശേഷം പ്രവാസി തൊഴിലാളികൾക്കായി തുറക്കാൻ സാധ്യത. മിഷ്റഫ് ഹാൾ നമ്പർ 8-ലെ കുവൈറ്റ് ഫീൽഡ് ഹോസ്പിറ്റൽ പ്രവാസി തൊഴിലാളികളെ പരിശോധിക്കുന്നതിനുള്ള കേന്ദ്രമാക്കി മാറ്റുന്നതിനുള്ള പ്രവർത്തനങ്ങൾ ഊർജിതമായി നടക്കുന്നതായാണ് റിപ്പോർട്ടുകൾ. ഷുവൈഖിലെയും, സഭാനിലെയും കേന്ദ്രങ്ങളിൽ വൻ ജനത്തിരക്ക് അനുഭവപ്പെട്ടതിനെ തുടർന്നാണ് മിഷ്രെഫ് ഹാൾ നമ്പർ 8 പ്രവാസി പരിശോധനാ കേന്ദ്രമാക്കി മാറ്റാൻ ആരോഗ്യ മന്ത്രാലയം തീരുമാനിച്ചത്. കുവൈറ്റിലേക്കുള്ള മടക്ക ഗതാഗതം സാധാരണ നിലയിലായതിനാലും കുവൈറ്റിലേക്ക് വൻതോതിൽ പുതിയ പ്രവാസികളുടെ വരവ് ആരംഭിച്ചതിനാലും താമസ ആവശ്യത്തിനുള്ള മെഡിക്കൽ ടെസ്റ്റ് നടത്താനുള്ള പ്രവാസികളുടെ എണ്ണവും വർധിച്ചു. മിഷ്റഫിലെ ഫീൽഡ് ഹോസ്പിറ്റലിനെ പ്രവാസി മെഡിക്കൽ ടെസ്റ്റ് സെന്ററാക്കി മാറ്റുന്നത് റെസിഡൻസി നടപടിക്രമങ്ങൾ പൂർത്തിയാക്കുന്നതിന് മുമ്പ് പ്രവാസികൾക്കുള്ള മെഡിക്കൽ പരിശോധനകൾ ത്വരിതപ്പെടുത്തുന്നതിന് സഹായകമാകും.
മിഷ്രെഫ് ഹാളിൽ ദിവസേന ധാരാളം സന്ദർശകരെ ഉൾക്കൊള്ളാനുള്ള സൗകര്യം ഉണ്ടായിരിക്കും, കൂടാതെ കേന്ദ്രത്തിൽ കാത്തിരിപ്പ് കേന്ദ്രങ്ങൾക്കായി എയർകണ്ടീഷൻ ചെയ്ത ഹാളുകൾ, കാർ പാർക്കിംഗിനുള്ള വലിയ ഇടങ്ങൾ തുടങ്ങിയ സൗകര്യങ്ങളും ഉണ്ട്. ആരോഗ്യ മന്ത്രാലയം, ആഭ്യന്തര മന്ത്രാലയം തുടങ്ങിയ വിവിധ മന്ത്രാലയങ്ങൾ തമ്മിലുള്ള സംവിധാനത്തെ ബന്ധിപ്പിക്കുന്ന, പ്രവാസികളുടെ മെഡിക്കൽ ചെക്കപ്പിനുള്ള പ്രസക്തമായ ഉപകരണങ്ങളുള്ള മിഷ്റെഫ് ഹാൾ നിലവിൽ ഷുവൈഖ്, ജഹ്റ, സബാൻ, ഫഹാഹീൽ എന്നിവിടങ്ങളിൽ സെന്ററുകളുണ്ട്. കുവൈറ്റിലെ വാര്ത്തകളും വിശേഷങ്ങളും അറിയാന് വാട്സ്ആപ്പ് ലിങ്കില് ക്ലിക്ക് ചെയ്യുക
https://chat.whatsapp.com/DVjcimJINn56TDBOrFyMv0
