കുവൈത്ത് സിറ്റി: കുവൈത്തിലെ പോസ്റ്റൽ മേഖല ഇനി കൂടുതൽ സജീവമാകുന്നു. ഇതിന്റെ ഭാഗമായി usps mailbox മുൻകൂർ കസ്റ്റംസ് ക്ലിയറൻസിനും റിലീസിനും വേണ്ടി തപാൽ മേഖല കരാർ ഒപ്പിട്ടു. കമ്മ്യൂണിക്കേഷൻസ് മന്ത്രാലയം അണ്ടർ സെക്രട്ടറി എം ഖാലൗദ് അൽ ഷെഹാബ് ആണ് ഇക്കാര്യം അറിയിച്ചത്. എക്സ്പ്രസ് മെയിലുകൾ, പാഴ്സലുകൾ, തപാൽ പാക്കേജുകൾ എന്നിവയുടെ ഗതാഗതം, തരംതിരിക്കലും വിതരണവും, ഉപഭോക്താക്കൾ ശേഖരിക്കുന്ന നാമമാത്രമായ വിലയ്ക്ക് ഹോം ഡെലിവറി തുടങ്ങി കാര്യങ്ങളാണ് കരാറിൽ ഉൾപ്പെടുത്തിയിട്ടുള്ളതെന്നും അദ്ദേഹം വ്യക്തമാക്കി. കരാർ പ്രകാരമുള്ള പ്രവർത്തനങ്ങൾ അടുത്ത വർഷം ഫെബ്രുവരി മുതൽ ആരംഭിക്കാനാണ് തീരുമാനം. ഈ കരാർ വരുന്നതോടെ രാജ്യത്തെ പോസ്റ്റൽ മേഖലയുടെ മുഖം മാറുമെന്നാണ് പ്രതീക്ഷ. ഉപഭോക്താക്കൾക്ക് നൽകുന്ന സേവനങ്ങളിൽ ഗുണപരമായ മാറ്റം ഉണ്ടാകും. കാലികമായ അടിസ്ഥാനത്തിൽ തപാൽ ഇനങ്ങൾ ട്രാക്കുചെയ്യുന്നതിന് ഒരു വെബ്സൈറ്റ് തുടങ്ങാനും പദ്ധതിയുണ്ട്. അതുപോലെ തന്നെ സ്മാർട്ട് ഫോണുകൾ വഴി തപാൽ ഇനങ്ങൾ ട്രാക്കുചെയ്യുന്നതിനുള്ള ഒരു സേവനവും അടുത്ത് തന്നെ അവതരിപ്പിക്കുമെന്ന് ഖാലൗദ് അൽ ഷെഹാബ് പറഞ്ഞു.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/ILFLwgBnr3t1fYqLSspvr7
