കുവൈത്ത് സിറ്റി; വ്യാപാരികളുടെ പോയിന്റ് ഓഫ് സെയിൽ ഉപകരണങ്ങൾ വഴി ആപ്പിൾ പേ സേവനത്തിന്റെ apple credut card ഉപയോഗത്തിന് ബാധകമായ കമ്മീഷനുകൾ വർദ്ധിപ്പിക്കുന്നതിനുള്ള സാധ്യത കുവൈറ്റിലെ ബാങ്കുകൾ ചർച്ച ചെയ്യുന്നതായി റിപ്പോർട്ട്. ഒരു പ്രാദേശിക ദിന പത്രമാണ് ഇത് സംബന്ധിച്ച വിവരം പുറത്ത് വിട്ടത്. ആപ്പിൾ പേ അതിന്റെ സേവനത്തിലൂടെ നടത്തുന്ന വാങ്ങലുകൾക്കുള്ള പേയ്‌മെന്റുകൾക്ക് ഒരു ഫീസ് ചുമത്തുമെന്നാണ് വിവരം. ഈ പ്രക്രിയ ഒരു കെഎൻഇടി കാർഡ് ഉപയോഗിച്ചാണ് നടത്തിയതെങ്കിൽ പോലും, ബാങ്കുകൾ അധിക പ്രവർത്തന ചെലവ് അഭിമുഖീകരിക്കുന്നുണ്ട്. തങ്ങളുടെ വിൽപ്പനയ്‌ക്കായി പേയ്‌മെന്റുകൾ ശേഖരിക്കുന്നതിന് പോയിന്റ്-ഓഫ്-സെയിൽ ഉപകരണങ്ങൾ ഉപയോഗിക്കുന്ന വ്യാപാരികൾക്ക് ചുമത്തിയിരിക്കുന്ന കമ്മീഷനുകളുടെ പട്ടിക അവലോകനം ചെയ്യുന്നതിനുള്ള സാധ്യതയെക്കുറിച്ച് പ്രാദേശിക ബാങ്കുകൾ ചർച്ച ചെയ്തതായി റിപ്പോർട്ട് സൂചിപ്പിച്ചു. ബാങ്ക് കമ്മീഷൻ ലിസ്റ്റിലെ ഏത് ഭേദഗതിക്കും സെൻട്രൽ ബാങ്ക് ഓഫ് കുവൈറ്റിന്റെ മുൻകൂർ അനുമതി ആവശ്യമാണ്. നിലവിൽ കെ നെറ്റ്,ആപ്പിൾ പേ മുതലായ വഴി നടക്കുന്ന പർച്ചേസുകൾക്ക് ബാങ്കുകൾ കമ്മീഷൻ ഈടാക്കുന്നില്ല. എന്നാൽ ഇനി മുതൽ ഓരോ ഇടപാടിനും 0.05 മുതൽ 0.15 ശതമാനം വരെ ഫീസ് ഈടാക്കുവാനാണ് ആലോചിക്കുന്നത്. നിലവിൽ വിസ”, “മാസ്റ്റർകാർഡ് വഴി വ്യാപാരികളിൽ നിന്ന് ഈടാക്കുന്ന ഫീസിന് പുറമെ യായിരിക്കും പുതിയ ഫീസ് ചുമത്തുക.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ
https://chat.whatsapp.com/KPa5RcusUQiIgyJnhcDCEn