അ​ഗ്നി​സു​ര​ക്ഷ മാ​ന​ദ​ണ്ഡ​ങ്ങ​ൾ പാ​ലി​ക്കു​ന്ന​തി​ൽ വീ​ഴ്ച വ​രു​ത്തി​യ നി​ര​വ​ധി സ്ഥാ​പ​ന​ങ്ങ​ൾ അ​ഗ്നി​ശ​മ​ന വ​കു​പ്പ് പൂ​ട്ടി​ച്ചു. ഖൈ​ത്താ​ൻ, സൗ​ത്ത് ഉ​മ്മു അം​ഗ​റ എ​ന്നി​വി​ട​ങ്ങ​ളി​ലാ​ണ് പ​രി​ശോ​ധ​ന കാ​മ്പ​യി​ൻ ന​ട​ന്ന​ത്. കു​വൈ​ത്ത് മു​നി​സി​പ്പാ​ലി​റ്റി, വൈ​ദ്യു​തി മ​ന്ത്രാ​ല​യം, പ​ബ്ലി​ക് അ​തോ​റി​റ്റി ഫോ​ർ ഇ​ൻ​ഡ​സ്ട്രി, പ​ബ്ലി​ക് അ​തോ​റി​റ്റി ഫോ​ർ എ​ൻ​വ​യ​ൺ​മെ​ന്റ് എ​ന്നി​വ​യു​ടെ സ​ഹ​ക​ര​ണ​ത്തോ​ടെ ജ​ന​റ​ൽ ഫ​യ​ർ​ഫോ​ഴ്‌​സാ​ണ് പ​രി​ശോ​ധ​ന ന​ട​ത്തി​യ​ത്.

വാ​ണി​ജ്യ സ്ഥാ​പ​ന​ങ്ങ​ളി​ലും കെ​ട്ടി​ട​ങ്ങ​ളി​ലും നി​യ​മാ​നു​സൃ​ത​മാ​യ അ​ഗ്​​നി​സു​ര​ക്ഷ സം​വി​ധാ​ന​ങ്ങ​ൾ സ്ഥാ​പി​ക്കേ​ണ്ട​തു​ണ്ട്. എ​ല്ലാ കെ​ട്ടി​ട​ങ്ങ​ൾ​ക്കും ഇ​ത്​ ബാ​ധ​ക​മാ​ണ്. ക​ൺ​ട്രോ​ൾ സം​വി​ധാ​നം, ഫ​യ​ർ അ​ലാ​റം, വെ​ന്റി​ലേ​ഷ​ൻ, മ​റ്റു​ ഉ​പ​ക​ര​ണ​ങ്ങ​ൾ തു​ട​ങ്ങി​യ​വ കെ​ട്ടി​ട​ത്തി​​ന്റെ എ​ല്ലാ ഭാ​ഗ​ത്തേ​ക്കും എ​ത്തു​ന്ന രീ​തി​യി​ൽ സ്ഥാ​പി​ക്ക​ണ​മെ​ന്ന്​ അ​ധി​കൃ​ത​ർ മു​ന്ന​റി​യി​പ്പ്​ ന​ൽ​കി.

വ​രും​ദി​വ​സ​ങ്ങ​ളി​ൽ പ​രി​ശോ​ധ​ന ശ​ക്ത​മാ​ക്കു​മെ​ന്നും നി​യ​മം ലം​ഘി​ച്ച് തു​ട​രു​ന്ന സ്ഥാ​പ​ന​ങ്ങ​ൾക്കെ​തി​രെ ന​ട​പ​ടി​യെ​ടു​ക്കു​മെ​ന്നും അ​ധി​കൃ​ത​ർ മു​ന്ന​റി​യി​പ്പ്​ ന​ൽ​കി.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/GLrqUZASykK7BUFlmATFk7