ഹൈവേകളിൽ സുരക്ഷ പരിശോധന ശക്തമാക്കി കുവൈത്ത്; നിരവധി പ്രവാസികൾ അറസ്റ്റിൽ
കുവൈറ്റിലെ ഹൈവേകളിൽ ഗതാഗത നിയമലംഘനങ്ങൾ വർധിച്ചുവരുന്ന സാഹചര്യത്തിൽ ജനറൽ ട്രാഫിക് വകുപ്പ് പരിശോധനകൾ കൂടുതൽ ശക്തമാക്കി. ഇതിന്റെ ഭാഗമായി രാജ്യത്തിന്റെ വിവിധ ഭാഗങ്ങളിൽ നടത്തിയ പരിശോധനകളിൽ നിരവധി നിയമലംഘകരായ പ്രവാസികൾ അറസ്റ്റിലായി.
സെവൻത് റിംഗ് റോഡിലും മറ്റ് പ്രധാന ഹൈവേകളിലും നടന്ന പരിശോധനയിൽ 3,239 ഗതാഗത നിയമ ലംഘനങ്ങൾ കണ്ടെത്തി കേസുകൾ രജിസ്റ്റർ ചെയ്തു. ഗുരുതരമായ നിയമലംഘനങ്ങൾ നടത്തിയ രണ്ട് വാഹനങ്ങൾ പിടിച്ചെടുക്കുകയും ചെയ്തു. ഇതിനുപുറമെ, പിടികിട്ടാപ്പുള്ളികളായ 56 പേരെയും അറസ്റ്റ് ചെയ്തു.
പ്രായപൂർത്തിയാകാത്ത കുട്ടികൾ ഉൾപ്പെടെ നിരവധി പേർ പിടിയിലായി. താമസ, തൊഴിൽ നിയമങ്ങൾ ലംഘിച്ചവർ 115 പേർ അറസ്റ്റിലായി. തിരിച്ചറിയൽ രേഖകളില്ലാത്ത 36 പേരെ അറസ്റ്റ് ചെയ്തു. റോഡുകളിലെ സുരക്ഷയും ക്രമസമാധാനവും ഉറപ്പാക്കുന്നതിന്റെ ഭാഗമായാണ് ഈ പരിശോധനകൾ നടത്തുന്നതെന്ന് അധികൃതർ അറിയിച്ചു. വരും ദിവസങ്ങളിലും പരിശോധനകൾ തുടരുമെന്നും അവർ വ്യക്തമാക്കി.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/JwjTxtP7SMiEbr9IDkTJiK?mode=ems_copy_c
Comments (0)