വിവിധ മേഖലകളിലെ സഹകരണം; കുവൈത്ത് എയർവേസും എസ്‌.ടി.സിയും കരാർ ഒപ്പുവെച്ചു
കുവൈത്ത് എയർവേയ്‌സും കുവൈത്ത് ടെലികമ്യൂണിക്കേഷൻസ് കമ്പനിയും (എസ്‌.ടി.സി) തമ്മിൽ സഹകരണ കരാർ ഒപ്പുവെച്ചു. സാങ്കേതികവിദ്യ, ഡിജിറ്റൽ സംവിധാനങ്ങൾ, ആശയവിനിമയ പരിഹാരങ്ങൾ തുടങ്ങിയ വിവിധ മേഖലകളിൽ ഇരു കമ്പനികളും സഹകരിക്കും.
കുവൈത്ത് എയർവേയ്‌സിന്റെ ചെയർമാൻ അബ്ദുൽ മൊഹ്‌സെൻ അൽ ഫഗാൻ പറയുന്നതനുസരിച്ച്, ഈ പങ്കാളിത്തം രാജ്യത്തിന്റെ സാമ്പത്തിക വികസനത്തിന് സഹായിക്കും. സാങ്കേതികവിദ്യ, വ്യോമയാനം, ടെലികമ്യൂണിക്കേഷൻസ്, ഇൻഫർമേഷൻ ടെക്നോളജി, ആർട്ടിഫിഷ്യൽ ഇന്റലിജൻസ് തുടങ്ങിയ മേഖലകളിൽ സഹകരണം വ്യാപിപ്പിക്കാനും ലക്ഷ്യമിടുന്നുണ്ട്.
എസ്‌.ടി.സി ചീഫ് എക്സിക്യൂട്ടീവ് ചെയർമാൻ മുആത്തിസ് അൽ ദറബ് ഈ കരാറിനെ കുവൈത്തിന്റെ ഡിജിറ്റൽ പരിവർത്തനത്തിനുള്ള ഒരു പ്രധാന ചുവടുവെപ്പായി വിശേഷിപ്പിച്ചു. കരാറിന്റെ ഭാഗമായി കുവൈത്ത് എയർവേയ്‌സ് ജീവനക്കാർക്കായി പരിശീലന പരിപാടികൾ സംഘടിപ്പിക്കും. ഇത് പ്രവർത്തനക്ഷമതയും സേവന നിലവാരവും മെച്ചപ്പെടുത്തും. കൂടാതെ, ഇരു കമ്പനികളുടെയും ഉപഭോക്താക്കൾക്ക് പ്രത്യേക ആനുകൂല്യങ്ങളും ലഭിക്കും. എസ്‌.ടി.സി ഉപഭോക്താക്കൾക്ക് എയർലൈനിന്റെ ഒയാസിസ് ക്ലബ് കാർഡും ലഭിക്കും.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/LXkAQWFENhKJ0MX7QxTdN5?mode=ac_t
Comments (0)