കുവൈത്ത് നിയമ വ്യവസ്ഥയെ പരിഷ്കരിക്കാൻ പുതിയ സമിതി!; വരുന്നു പുതിയ ശിക്ഷാനിയമം
Kuwait legal system കുവൈത്തിലെ നീതിന്യായ വ്യവസ്ഥയിൽ നിർണായക മാറ്റങ്ങൾ ലക്ഷ്യമിട്ട്, രാജ്യത്തെ ശിക്ഷാ നിയമം (പീനൽ കോഡ്) പരിഷ്കരിക്കാൻ നീതിന്യായ മന്ത്രാലയം ഒരുങ്ങുന്നു. ഇതിനായി നീതിന്യായ മന്ത്രി നാസർ അൽ-സുമൈത് പ്രത്യേക സമിതിക്ക് രൂപം നൽകി. നിയമപരവും സാമൂഹികപരവുമായ മാറ്റങ്ങൾക്കനുസരിച്ച് നിലവിലെ നിയമത്തിൽ ഭേദഗതി വരുത്തുകയാണ് സമിതിയുടെ പ്രധാന ലക്ഷ്യം.
രാജ്യത്തിന്റെ ക്രിമിനൽ നിയമനിർമ്മാണം നവീകരിക്കുന്നതിനുള്ള വലിയ പദ്ധതിയുടെ ഭാഗമായാണ് ഈ നടപടി. ഇത് നിയമ വ്യവസ്ഥയിലുള്ള ജനങ്ങളുടെ വിശ്വാസം വർദ്ധിപ്പിക്കാൻ സഹായിക്കുമെന്ന് മന്ത്രി നാസർ അൽ-സുമൈത് അറിയിച്ചു.
അപ്പീൽ കോടതി ജഡ്ജി സൗദ് അൽ-സനിയയാണ് സമിതിയുടെ അധ്യക്ഷൻ. അറ്റോർണി ജനറൽ കൗൺസിലർ മിഷാൽ അൽ-ഗന്നം വൈസ് ചെയർമാനായിരിക്കും. ജഡ്ജിമാരായ അഹമ്മദ് അൽ-സദ്ര, കൊമേഴ്‌സ്യൽ അഫയേഴ്‌സ് പ്രോസിക്യൂഷൻ ഡയറക്ടർ മിഷാരി അൽ-മുതൈരി, പബ്ലിക് ഫണ്ട്‌സ് പ്രോസിക്യൂഷൻ ഡെപ്യൂട്ടി ഡയറക്ടർ ഇബ്രാഹിം അൽ-മുനൈ, മുഹമ്മദ് അൽ-ഹദ്ദാദ് എന്നിവരും സമിതിയിൽ അംഗങ്ങളാണ്.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/JwjTxtP7SMiEbr9IDkTJiK?mode=ems_copy_c
Comments (0)