KUWAITVARTHAKAL

തിരുവനന്തപുരം: പ്രവാസി മലയാളികളുടെ സാമ്പത്തിക ഭാവിക്കും സുരക്ഷയ്ക്കും ഊന്നൽ നൽകി കേരള സർക്കാർ നടപ്പാക്കിയ പ്രവാസി ഡിവിഡൻഡ് സ്കീം ശ്രദ്ധേയമാകുന്നു. കയ്യിലൊതുങ്ങുന്ന തുക നിക്ഷേപിച്ച്, സർക്കാർ ഉറപ്പോടെ 10% വാർഷിക ആദായം നേടാൻ അവസരം നൽകുന്ന ഈ പദ്ധതി, നിക്ഷേപകനും പങ്കാളിക്കും ജീവിതാവസാനം വരെ മാസവരുമാനം ഉറപ്പാക്കുന്നു. 2019-ൽ ആരംഭിച്ച ഈ ദീർഘകാല നിക്ഷേപപദ്ധതി, പ്രവാസി ക്ഷേമ ബോർഡിന്റെ മേൽനോട്ടത്തിലാണ് പ്രവർത്തിക്കുന്നത്.

പദ്ധതിയുടെ സവിശേഷതകൾ

ഈ പദ്ധതിയിലേക്ക് 3 ലക്ഷം മുതൽ 51 ലക്ഷം രൂപ വരെ ഒറ്റത്തവണയായി നിക്ഷേപിക്കാം. നിക്ഷേപകന് 10% വാർഷിക നിരക്കിൽ ലാഭവിഹിതം ലഭിക്കും. ആദ്യത്തെ മൂന്ന് വർഷത്തെ ഡിവിഡന്റ് തുക നിക്ഷേപകന്റെ അക്കൗണ്ടിൽ ചേർക്കും. മൂന്ന് വർഷം പൂർത്തിയാകുന്നതോടെ, ഈ മുഴുവൻ തുകയ്ക്കും ലാഭവിഹിതം ലഭിച്ചു തുടങ്ങും. ഈ മാസ വരുമാനം നിക്ഷേപകന്റെ മരണം വരെ തുടരും. അതിനുശേഷം, അദ്ദേഹത്തിന്റെ ജീവിത പങ്കാളിക്ക് മരണം വരെ ഇതേ ഡിവിഡന്റ് ലഭിക്കും. പങ്കാളിയുടെ കാലശേഷം അവകാശികൾക്ക് നിക്ഷേപത്തുക മുഴുവനായി തിരികെ ലഭിക്കും. ഈ സുരക്ഷിതമായ പദ്ധതിയിൽ ജീവിതകാലം മുഴുവൻ വരുമാനം ഉറപ്പാക്കുന്നു.

ആർക്കൊക്കെ ചേരാം?

മടങ്ങിയെത്തിയ പ്രവാസികൾക്ക് പ്രായപരിധിയില്ലാതെ ഈ പദ്ധതിയിൽ ചേരാൻ സാധിക്കും. കൂടാതെ, നിലവിൽ വിദേശത്ത് ജോലി ചെയ്യുന്നവർ, രണ്ട് വർഷമെങ്കിലും വിദേശത്ത് ജോലി ചെയ്ത ശേഷം മടങ്ങിയെത്തിയവർ, ജോലിക്കായി ആറ് മാസത്തിലധികം അന്യസംസ്ഥാനങ്ങളിൽ താമസിക്കുന്ന കേരളീയർ എന്നിവർക്കും ഈ പദ്ധതിയിൽ പങ്കാളികളാകാം.

ശ്രദ്ധിക്കേണ്ട കാര്യങ്ങൾ

പദ്ധതിക്ക് ഒട്ടേറെ മെച്ചങ്ങളുണ്ടെങ്കിലും ചില കാര്യങ്ങൾ ശ്രദ്ധിക്കേണ്ടതുണ്ട്:

നിക്ഷേപം തിരിച്ചെടുക്കാനാകില്ല: നിക്ഷേപകനോ പങ്കാളിക്കോ ജീവിതകാലത്ത് ഈ നിക്ഷേപം പിൻവലിക്കാൻ കഴിയില്ല.

നയപരമായ മാറ്റങ്ങൾ: സർക്കാരുകൾ മാറുമ്പോൾ പദ്ധതിയുടെ നയങ്ങളിലും മാറ്റങ്ങൾ വന്നേക്കാം. ഭാവിയിൽ 10% ഡിവിഡന്റ് നിരക്ക് തുടരണമെന്ന് നിർബന്ധമില്ല.

ആദായനികുതി: ഇതൊരു സംസ്ഥാന സർക്കാർ പദ്ധതിയായതുകൊണ്ട് നിക്ഷേപത്തിനോ ലഭിക്കുന്ന വരുമാനത്തിനോ ആദായനികുതിയിളവ് ലഭ്യമല്ല.

എങ്ങനെ അപേക്ഷിക്കാം?

ഓൺലൈനായി വളരെ എളുപ്പത്തിൽ ഈ പദ്ധതിയിൽ ചേരാം. ബാങ്ക് നിക്ഷേപങ്ങളെ അപേക്ഷിച്ച് ഉയർന്ന വരുമാനം ലഭിക്കുന്നു എന്നതും ഈ പദ്ധതിയുടെ ആകർഷണമാണ്. 5 ലക്ഷം രൂപ നിക്ഷേപിച്ചാൽ മൂന്നാം വർഷം മുതൽ പ്രതിമാസം 5,416 രൂപ ലഭിക്കും. 10 ലക്ഷം രൂപ നിക്ഷേപിക്കുന്നവർക്ക് മൂന്നാം വർഷം മുതൽ ഏകദേശം 11,000 രൂപ വീതം മാസവരുമാനം ലഭിക്കും.

ഓൺലൈനായി അപേക്ഷ സമർപ്പിക്കുന്നതിനുള്ള ഘട്ടങ്ങൾ:

www.pravasikerala.org എന്ന വെബ്സൈറ്റിൽ പ്രവേശിച്ച് ‘Dividend Scheme’ എന്ന ലിങ്കിൽ ക്ലിക്ക് ചെയ്യുക.

‘New User’ തിരഞ്ഞെടുത്ത് നിബന്ധനകൾ അംഗീകരിച്ച് സബ്മിറ്റ് ചെയ്യുക.

ഇ-മെയിൽ ഐഡിയും മൊബൈൽ നമ്പറും നൽകി സ്ഥിരീകരിക്കുക.

ഇ-മെയിലിൽ ലഭിക്കുന്ന ലിങ്ക് ഉപയോഗിച്ച് രജിസ്ട്രേഷൻ പൂർത്തിയാക്കുക.

അപേക്ഷ അംഗീകരിച്ചാൽ ലോഗിൻ ചെയ്ത് ഓൺലൈനായി പണം അടയ്ക്കാം. ചെക്ക് വഴിയാണ് പണം അടയ്ക്കുന്നതെങ്കിൽ, കമ്പ്യൂട്ടർ ജനറേറ്റഡ് പേയ്മെന്റ് വൗച്ചർ സഹിതം രജിസ്റ്റേർഡ് തപാലിൽ അയക്കണം.

കൂടുതൽ വിവരങ്ങൾക്കായി പ്രവാസി ക്ഷേമ ബോർഡിന്റെ തിരുവനന്തപുരം ഓഫീസുമായി 91471–2785500 എന്ന നമ്പറിലോ, ഹെൽപ്പ് ലൈൻ നമ്പറായ 8078550515-ലോ ബന്ധപ്പെടാവുന്നതാണ്.

നിക്ഷേപം പ്ലാൻ ചെയ്താൽ മാസം 30,000 രൂപ നേടാം

ഈ പദ്ധതിയിലെ നിക്ഷേപത്തിന് മറ്റൊരു സാധ്യത കൂടിയുണ്ട്. 10 ലക്ഷം രൂപ നിക്ഷേപിക്കുന്ന ഒരാൾക്ക് മൂന്നാം വർഷം മുതൽ ലഭിക്കുന്ന ഏകദേശം 11,000 രൂപയിൽ 10,000 രൂപ വീതം നല്ല ഇക്വിറ്റി ഫണ്ടിൽ സിസ്റ്റമാറ്റിക് ഇൻവെസ്റ്റ്‌മെന്റ് പ്ലാൻ (എസ്.ഐ.പി) വഴി നിക്ഷേപിക്കുക. 12% വാർഷിക വളർച്ച പ്രതീക്ഷിക്കുന്ന ഒരു ഫണ്ടിൽ 10 വർഷം തുടർച്ചയായി നിക്ഷേപിച്ചാൽ ഈ തുക ഏകദേശം 24 ലക്ഷം രൂപയായി വളരും.

പത്താം വർഷം ഈ തുക നല്ലൊരു ഹൈബ്രിഡ് ഫണ്ടിലേക്ക് മാറ്റി, അതിൽ നിന്ന് സിസ്റ്റമാറ്റിക് വിത്ത്ഡ്രോവൽ പ്ലാൻ (എസ്.ഡബ്ല്യു.പി) വഴി മാസം 20,000 രൂപ പിൻവലിക്കാം. ഇതോടെ, പ്രവാസി ഡിവിഡൻഡ് സ്കീമിൽ നിന്നുള്ള 11,000 രൂപയും മ്യൂച്വൽ ഫണ്ടിൽ നിന്നുള്ള 20,000 രൂപയും ചേർത്ത് ആകെ 31,000 രൂപ പ്രതിമാസം ലഭിക്കും.

ഈ തന്ത്രത്തിലൂടെ, ഡിവിഡൻഡ് സ്കീമിൽ നിന്ന് ലഭിക്കുന്ന വരുമാനം ഉപയോഗിച്ച് മറ്റൊരു വലിയ സമ്പാദ്യം കെട്ടിപ്പടുക്കാൻ സാധിക്കും. കൂടാതെ, മ്യൂച്വൽ ഫണ്ടിലെ തുക അത്യാവശ്യ ഘട്ടങ്ങളിൽ പിൻവലിക്കാം എന്ന മെച്ചവുമുണ്ട്.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/JwjTxtP7SMiEbr9IDkTJiK?mode=ems_copy_c

ഇനി ഫോണിൽ സ്ഥലം ഇല്ല എന്ന് പറയരുത്: ഫോൺ ഹാങ്ങ് ആകുന്നത് ഒഴിവാക്കാം; ഇതാ ഒരു സൂപ്പർ ആപ്പ്

പ്രവാസികളെ കൊളസ്ട്രോൾ കൂടുതലാണോ? ഒരു മാസം ഈ കാര്യങ്ങൾ ശ്രദ്ധിച്ച് നോക്കൂ, മാറ്റം ​ഗ്യാരന്റി

Careem career : latest vacancies applying details are