കുവൈറ്റിൽ രണ്ട് പൗരന്മാർക്ക് മിസ്‌ഡിമെനർ കോടതി ആറ് മാസത്തെ കഠിന തടവും 3,000 KD പിഴയും വിധിച്ചു. ഫർവാനിയ പോലീസ് സ്‌റ്റേഷനിലെ പോലീസ് ഉദ്യോഗസ്ഥനെ മർദിച്ചതിനും ഔദ്യോഗിക കൃത്യനിർവഹണത്തിനിടെ പരസ്യമായി അപമാനിച്ചതിനുമാണ് ഇവർക്കെതിരെ കേസെടുത്തിരിക്കുന്നത്. റിപ്പോർട്ട്‌ അനുസരിച്ച്, പോലീസ് ഉദ്യോഗസ്ഥൻ റോഡ് ആക്‌സിഡന്റിന് കാരണമായ പ്രായപൂർത്തിയാകാത്ത പ്രതിയെ അറസ്റ്റ് ചെയ്തു ജയിലിൽ എത്തിക്കുകയും, ഈ പ്രായപൂർത്തിയാകാത്ത കുട്ടിയുടെ അച്ഛനും അമ്മാവനും പോലീസ് സ്റ്റേഷനിലെത്തി, കേസിന്റെ ചുമതലയുള്ള പോലീസിനെ ആക്രമിക്കുകയും അപമാനിക്കുകയും ഭീഷണിപ്പെടുത്തുകയും ചെയ്യുകയായിരുന്നു. കോടതി സെഷനിൽ, പരാതിക്കാരനെ പ്രതിനിധീകരിച്ച് അഭിഭാഷകൻ സായിദ് അൽ-ഖബ്ബാസാണ് പൗരന്മാർക്കെതിരായ കുറ്റാരോപണത്തിന്റെ ശിക്ഷ സ്ഥിരീകരിച്ചത്. കുവൈറ്റിലെ വാർത്തകളും വിശേഷങ്ങളും അറിയാൻ വാട്സാപ്പ് ലിങ്കിൽ ക്ലിക്ക് ചെയ്യുകhttps://chat.whatsapp.com/IU1w7h5kO3BEmOsrHGW8R5