കുവൈറ്റിലെ ഫർവാനിയ മുനിസിപ്പാലിറ്റിയുടെ ജനറൽ ക്ലീൻലിനസ് ആൻഡ് റോഡ് വർക്‌സ് ഡിപ്പാർട്ട്‌മെന്റ് ആക്ടിംഗ് ഡയറക്ടർ ഡോ. നാസർ അൽ-റാഷിദിന്റെ നേതൃത്വത്തിൽ ജിലീബ് ഏരിയയിൽ നടത്തിയ പരിശോധനയിൽ ഉപേക്ഷിക്കപ്പെട്ട 15 കാറുകൾ നീക്കം ചെയ്തു.

മുനിസിപ്പാലിറ്റിയിൽ നിലവിലുള്ള നിയമങ്ങളും ചട്ടങ്ങളും ലംഘിക്കുന്നവരെ നിരീക്ഷിക്കുന്നതിനും, നിയമനടപടികൾ സ്വീകരിക്കുന്നതിനുമായി എല്ലാ ശുചിത്വ കേന്ദ്രങ്ങളുടെയും റോഡ് ജോലികളുടെയും ഇൻസ്പെക്ടർമാർ ഗവർണറേറ്റിലെ തെരുവ് കച്ചവടക്കാരെ നിരീക്ഷിക്കുമെന്ന് അദ്ദേഹം പറഞ്ഞു. അതേസമയം, ജഹ്‌റ മുനിസിപ്പാലിറ്റി ബ്രാഞ്ചിലെ ജനറൽ ക്ലീൻലിനസ് ആൻഡ് റോഡ് വർക്ക്സ് ഡിപ്പാർട്ട്‌മെന്റ് സാദ് അൽ-അബ്ദുള്ള പ്രദേശത്ത് ഉപേക്ഷിക്കപ്പെട്ട കാറുകളും സ്ക്രാപ്പുകളും നീക്കം ചെയ്യുന്നതിനായി ഫീൽഡ് ടൂർ നടത്തി.

എല്ലാ നിയമ നടപടികളും സ്വീകരിച്ച ശേഷം ഉപേക്ഷിക്കപ്പെട്ട 13 കാറുകൾ പരിശോധനയുടെ ഫലമായി നീക്കം ചെയ്തതായി ജഹ്‌റ മുനിസിപ്പാലിറ്റി ബ്രാഞ്ചിലെ പബ്ലിക് ക്ലീൻലിനസ് ആൻഡ് റോഡ് വർക്ക്സ് വകുപ്പ് ഡയറക്ടർ ഫഹദ് അൽ ഖരീഫ വിശദീകരിച്ചു. പിടിച്ചെടുത്ത കാറുകൾ മുനിസിപ്പാലിറ്റിയുടെ റിസർവേഷൻ സൈറ്റിലേക്ക് മാറ്റി. കുവൈറ്റിലെ വാർത്തകളും വിശേഷങ്ങളും അറിയാൻ വാട്സാപ്പ് ലിങ്കിൽ ക്ലിക്ക് ചെയ്യുകhttps://chat.whatsapp.com/IU1w7h5kO3BEmOsrHGW8R5