കു​വൈ​ത്ത്​ സി​റ്റി: കുവൈത്തിൽ റൈ​നോ​പ്ലാ​സ്റ്റി​ക് ശസ്ത്രക്രിയയ്ക്ക് വി​ധേ​യ​യാ​യ 21 കാരി മരണപ്പെട്ടതായി റിപ്പോർട്ട് hand specialist near me. ഒരു അറബ് പത്രമാണ് ഇത് സംബന്ധിച്ച വാർത്ത പുറത്ത് വിട്ടത്. യു​വ​തി ശ്വാ​സ​കോ​ശ​ത്തി​ലേ​ക്കു​ള്ള ര​ക്ത​പ്ര​വാ​ഹം ത​ട​സ്സ​പ്പെ​ട്ടതാണ് മരണകാരണമെന്നാണ് പ്രാഥമിക നി​ഗമനം. സ​ർജ​റി ക​ഴി​ഞ്ഞ് വീ​ട്ടി​ലെ​ത്തി​യ ഉ​ട​ൻ യു​വ​തി​ക്ക് ബോ​ധം ന​ഷ്ട​പ്പെ​ടു​ക​യും തു​ട​ർ​ച്ച​യാ​യി നി​ര​വ​ധി ഹൃ​ദ​യാ​ഘാ​തം സം​ഭ​വി​ക്കു​ക​യുമായിരുന്നു. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. മൂ​ക്കി​ലെ അ​സ്ഥി​യി​ൽ ഘ​ട​നാ​പ​ര​മാ​യ മാ​റ്റ​ങ്ങ​ൾ വ​രു​ത്തി രൂ​പ​മാ​റ്റം സൃ​ഷ്ടി​ക്കു​ന്ന​താ​ണ് റൈ​നോ​പ്ലാ​സ്റ്റി​ക് ശസ്ത്രക്രിയ. സ​ഹോ​ദ​രി ആ​രോ​ഗ്യ​വ​തി​യാ​യി​രു​ന്നെ​ന്നും ഗു​രു​ത​ര​മാ​യ ആ​രോ​ഗ്യ​പ്ര​ശ്ന​ങ്ങ​ളൊ​ന്നും ഉ​ണ്ടാ​യി​രു​ന്നി​ല്ലെ​ന്നും മരിച്ച യുവതിയുടെ സഹോദരൻ പറഞ്ഞു. പരിശോധനയിൽ സഹോദരിയുടെ ശ്വാ​സ​കോ​ശം, ശ്വാ​സ​നാ​ളം, അ​ന്ന​നാ​ളം എ​ന്നി​വ​യി​ൽ വ​ലി​യ അ​ള​വി​ൽ ര​ക്ത​ത്തി​ന്റെ സാ​ന്നി​ധ്യം കണ്ടെത്തിയെന്നും ഇത് കാരണം ശ്വസിക്കാൻ ബുദ്ധിമുട്ട് ഉണ്ടായെന്നും അദ്ദേഹം കൂട്ടിച്ചേർത്തു. വിഷയത്തിൽ പ​ബ്ലി​ക് പ്രോ​സി​ക്യൂ​ട്ട​റു​ടെ ഓ​ഫി​സി​ൽ പ​രാ​തി ന​ൽകു​മെ​ന്നും ബന്ധുക്കൾ വ്യക്തമാക്കി.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/Kip2VKeybyv3OLUZ2htMB1