കാലാവസ്ഥാ വിദഗ്ദ്ധനായ ഇസ്സ റമദാന്റെ അഭിപ്രായത്തിൽ, കുവൈത്തിൽ ഓഗസ്റ്റ് മാസം വേനൽക്കാലത്തെ ഏറ്റവും ചൂടും ഈർപ്പവുമുള്ള മാസങ്ങളിലൊന്നാണ്. നിലവിൽ ‘മിർസം’ എന്ന കാലഘട്ടത്തിലാണ് രാജ്യം. ഈ മാസം 11-ന് ഇത് അവസാനിക്കും. അതിനുശേഷം ചൂടുള്ള ‘ക്ലൈബിൻ’ കാലം ആരംഭിക്കും. ജൂലൈ മാസത്തെ അപേക്ഷിച്ച് ഓഗസ്റ്റിൽ ചൂടിന്റെ കാഠിന്യം കുറവായിരിക്കുമെന്നും അദ്ദേഹം പറഞ്ഞു. പകലിന്റെ ദൈർഘ്യം കുറയുന്നതാണ് ഇതിന് കാരണം. വരുന്ന ദിവസങ്ങളിൽ താപനില ക്രമേണ കുറയാൻ തുടങ്ങും.

എങ്കിലും, ഇന്ത്യൻ മൺസൂണിന്റെ ദുർബലമായ സ്വാധീനം കാരണം അന്തരീക്ഷത്തിൽ ഈർപ്പം കൂടുതലായിരിക്കും, ഇത് കാലാവസ്ഥയെ കൂടുതൽ ദുസ്സഹമാക്കിയേക്കാം. ബുധനാഴ്ച മുതൽ വാരാന്ത്യത്തിലും അടുത്ത ആഴ്ചയുടെ തുടക്കത്തിലും ഈർപ്പത്തിന്റെ അളവ് വർധിക്കുമെന്നും അദ്ദേഹം അറിയിച്ചു.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/LXkAQWFENhKJ0MX7QxTdN5?mode=ac_t