യൂറോപ്യൻ രാജ്യങ്ങളിലേക്ക് വിസ നേടാൻ വ്യാജ രേഖ; തട്ടിപ്പ് സംഘം കുവൈത്തിൽ അറസ്റ്റിൽ
ആഭ്യന്തര മന്ത്രാലയം യൂറോപ്യൻ രാജ്യങ്ങളിലേക്ക് വിസ നേടുന്നതിനായി വ്യാജ രേഖകൾ നിർമ്മിച്ചുനൽകുന്ന ഒരു സംഘത്തെ അറസ്റ്റ് ചെയ്തു. വ്യാജ വർക്ക് പെർമിറ്റുകൾ, ബാങ്ക് അക്കൗണ്ടുകൾ, ശമ്പള സർട്ടിഫിക്കറ്റുകൾ എന്നിവ നിർമ്മിച്ച ഈജിപ്ഷ്യൻ, ലബനീസ് പൗരന്മാരും, ഇവരിൽ നിന്ന് യൂറോപ്യൻ വിസകൾ നേടിയ ഈജിപ്ഷ്യൻ പൗരന്മാരുമാണ് അറസ്റ്റിലായത്.
ഈ സംഘത്തിൻ്റെ തലവൻ ഈജിപ്ത് കേന്ദ്രീകരിച്ച് പ്രവർത്തിക്കുന്ന ഒരാളാണ്. ഇയാളുടെ സഹോദരനും ലബനീസ് പൗരനും കുവൈത്തിൽ വെച്ചാണ് വ്യാജരേഖകൾ തയ്യാറാക്കിയിരുന്നത്. രേഖകൾ ശരിയാക്കി നൽകുന്നതിന് ഓരോ വ്യക്തിയിൽ നിന്നും 900 ദിനാർ മുതൽ 1200 ദിനാർ വരെ ഇവർ ഈടാക്കിയിരുന്നതായി അന്വേഷണത്തിൽ കണ്ടെത്തി.
പിടിച്ചെടുത്ത രേഖകളിൽ വർക്ക് പെർമിറ്റുകൾ, ശമ്പള രേഖകൾ, തൊഴിൽ വിവരങ്ങൾ, സിവിൽ ഐഡി കാർഡുകളിലെ കമ്പനി പേരുമാറ്റങ്ങൾ, വ്യാജ സീലുകളുള്ള ബാങ്ക് സ്റ്റേറ്റ്‌മെന്റുകൾ, വ്യാജ ശമ്പള സർട്ടിഫിക്കറ്റുകൾ എന്നിവ ഉൾപ്പെടുന്നു.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/LXkAQWFENhKJ0MX7QxTdN5?mode=ac_t
Comments (0)