കുവൈത്തിൽ ഗാർഹിക തൊഴിലാളികളുടെ എണ്ണം കുറയുന്നു; തൊഴിൽ തർക്കങ്ങൾ കൂടുന്നു
കുവൈത്തിൽ കഴിഞ്ഞ ഒരു വർഷത്തിനിടെ ഗാർഹിക തൊഴിലാളികളുടെ എണ്ണത്തിൽ വലിയ കുറവ് രേഖപ്പെടുത്തി. ‘അൽ ഷാൽ’ റിപ്പോർട്ട് അനുസരിച്ച്, കഴിഞ്ഞ വർഷത്തെ ആദ്യ പാദവുമായി താരതമ്യം ചെയ്യുമ്പോൾ ഏകദേശം 44,000-ത്തിലധികം പേരുടെ കുറവുണ്ടായി. നിലവിൽ രാജ്യത്ത് 7.45 ലക്ഷം ഗാർഹിക തൊഴിലാളികളാണുള്ളത്. ഇതിൽ 4.15 ലക്ഷം സ്ത്രീകളും 3.30 ലക്ഷം പുരുഷന്മാരുമാണ്.
ഇന്ത്യക്കാർ മുന്നിൽ
ഗാർഹിക തൊഴിലാളികളിൽ 42.2% വരുന്ന ഇന്ത്യക്കാരാണ് ഇപ്പോഴും ഒന്നാം സ്ഥാനത്ത്. തൊട്ടുപിന്നിൽ 17.9% പേരുമായി ശ്രീലങ്കയും ഫിലിപ്പീൻസും ഉണ്ട്. നിലവിൽ, കുവൈത്തിലെ മൊത്തം പ്രവാസി തൊഴിലാളികളിൽ 25.2% പേരും ഗാർഹിക മേഖലയിലാണ് പ്രവർത്തിക്കുന്നത്.
തൊഴിൽ തർക്കങ്ങൾ വർധിച്ചു
അതേസമയം, രാജ്യത്ത് തൊഴിൽ വിസ തർക്കങ്ങളും അഭയകേന്ദ്രങ്ങളിൽ അഭയം തേടുന്നവരുടെ എണ്ണവും വർധിച്ചതായും റിപ്പോർട്ടുകൾ സൂചിപ്പിക്കുന്നു. പബ്ലിക് അതോറിറ്റി ഫോർ മാൻപവർ പുറത്തുവിട്ട കണക്കുകൾ പ്രകാരം, 2025-ന്റെ ആദ്യ പകുതിയിൽ മാത്രം 20,898-ലധികം തൊഴിൽ പെർമിറ്റ് പരാതികളും, 21,000-ത്തിലധികം ഹാജരാകാത്തതിനും പിരിച്ചുവിടലിനുമുള്ള നോട്ടീസുകളും ഫയൽ ചെയ്തിട്ടുണ്ട്.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/LXkAQWFENhKJ0MX7QxTdN5?mode=ac_t
Comments (0)