KUWAITVARTHAKAL

പ്രവാസി മലയാളികളെ നാട്ടിലേക്ക് പോകുമ്പോൾ ഇനി കേരളത്തിലെ ഡ്രൈവിം​ഗ് ലൈസൻസ് എടുക്കാൻ മറന്നാലും പേടിക്കേണ്ട. ലൈസൻസിന്റെ ഡിജിറ്റൽ പതിപ്പ് മാത്രം കയ്യിൽ കരുതിയാൽ മതി. വാഹന പരിശോധനക്കിടയിൽ ആർസി ബുക്കും ലൈസൻസും കൈയ്യിൽ സൂക്ഷിച്ചില്ലെങ്കിൽ പിഴ ഈടാക്കുന്ന പതിവ് മാറിയിരിക്കുകയാണ്. കേരളത്തിലെ ​ഗതാ​ഗത നിയമത്തിലെ ഈ മാറ്റം നിങ്ങൾ തീർച്ചയായും അറിഞ്ഞിരിക്കണം.

കേരളത്തിൽ യാത്ര ചെയ്യുമ്പോൾ ഇനി ഡ്രൈവിങ് ലൈസൻസിന്റെ പ്രിന്റ് കോപ്പി കയ്യിൽ കരുതേണ്ടതില്ല. പൊലീസ്, മോട്ടർ വാഹന വകുപ്പ് ഉദ്യോഗസ്ഥർ നടത്തുന്ന പരിശോധനയിൽ ലൈസൻസിന്റെ മൊബൈൽ ഡിജിറ്റൽ പതിപ്പ് കാണിച്ചാൽ മതിയാകും. അപേക്ഷകർക്ക് എൻഐസി സാരഥിയിൽ കയറി എവിടെനിന്ന് വേണമെങ്കിലും ഡിജിറ്റൽ ഡ്രൈവിങ് ലൈസൻസിന്റെ പ്രിന്റ് എടുക്കാം. ഡിജിലോക്കറിൽ സൂക്ഷിച്ച ഡിജിറ്റൽ ഡ്രൈവിങ് ലൈസൻസ് കോപ്പിയും നിയമപരമാണ്. നിങ്ങൾ ഇനി നാട്ടിൽ വന്ന് ലൈസൻസ് എടുക്കാൻ ആ​ഗ്രഹിക്കുന്നവരാണെങ്കിൽ
ടെസ്റ്റ് വിജയിച്ചുകഴിഞ്ഞാൽ വെബ്‌സൈറ്റിൽനിന്ന് ലൈസൻസ് ഡൗൺലോൺ ചെയ്യണം. ഇത് ഡിജി ലോക്കർ, എം പരിവാഹൻ ആപ്പുകളിൽ സൂക്ഷിക്കാം. ആവശ്യക്കാർക്ക് സ്വന്തമായി പ്രിന്റ് എടുക്കുകയും ചെയ്യാം.

നേരത്തെ പിവിസി കാർഡിലാണ് ഡ്രൈവിങ് ലൈസൻസും റജിസ്‌ട്രേഷൻ സർട്ടിഫിക്കറ്റും നൽകിയിരുന്നത്. ഇത് ഡിജിറ്റൽ ആക്കണമെന്ന് ആവശ്യപ്പെട്ട് ഗതാഗത കമ്മിഷണർ നൽകിയ കത്തിന്റെ അടിസ്ഥാനത്തിലാണ് ഡിജിറ്റലിലേക്ക് മാറിയത്. അച്ചടിച്ച ആർസി ബുക്കും ഇനി മുതൽ ഇല്ലാതാകും. ആധുനിക കാലത്ത് എല്ലാം ഡിജിറ്റൽ രേഖകളായി സൂക്ഷിക്കുന്നതിനെ പ്രോത്സാഹിപ്പിക്കുന്നതാണ് സർക്കാർ നയം.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/JwjTxtP7SMiEbr9IDkTJiK?mode=ems_copy_c

കുവൈത്തിൽ തൊഴിലാളികളുടെ ശമ്പളം ഇനി കൃത്യസമയത്ത്; പുതിയ ഡിജിറ്റൽ സംവിധാനം വരുന്നു

കുവൈത്തിലെ തൊഴിലാളികൾക്ക് കൃത്യസമയത്ത് ശമ്പളം ലഭ്യമാക്കാൻ ലക്ഷ്യമിട്ട് പുതിയ ഡിജിറ്റൽ സംവിധാനം വരുന്നു. ഇതിനായി ‘ആഷെൽ ഫോർ കമ്പനീസ്’, ‘ആഷെൽ ഫോർ ബാങ്ക്സ്’ എന്നീ പ്ലാറ്റ്‌ഫോമുകൾ വികസിപ്പിക്കുന്നതുമായി ബന്ധപ്പെട്ട് മാനവ വിഭവശേഷി സമിതി അധികൃതരും കുവൈത്ത് ബാങ്കിംഗ് അസോസിയേഷനും തമ്മിൽ നിർണായക കൂടിക്കാഴ്ച നടത്തി.

തൊഴിലുടമകൾ കൃത്യസമയത്ത് തൊഴിലാളികളുടെ വേതനം നൽകുന്നുണ്ടെന്ന് ഉറപ്പുവരുത്തുകയാണ് ഈ നീക്കത്തിന്റെ പ്രധാന ലക്ഷ്യം. അതുവഴി തൊഴിൽ മേഖലയിൽ സ്ഥിരത ഉറപ്പാക്കാനും തൊഴിലാളികളുടെ അവകാശങ്ങൾ സംരക്ഷിക്കാനും കഴിയും.

പുതിയ സംവിധാനം: വേതന കൈമാറ്റത്തിനായി തൊഴിലുടമകൾ ബാങ്കുകളിൽ സമർപ്പിക്കുന്ന ഫയലുകൾ ഡിജിറ്റലായി കൈകാര്യം ചെയ്യുന്നതിനുള്ള ഒരു ഏകീകൃത സംവിധാനം ഒരുങ്ങും.

കർശന നടപടികൾ: ഇലക്ട്രോണിക് വേതന കൈമാറ്റ നിയമങ്ങൾ പാലിക്കാത്ത തൊഴിലുടമകളുമായുള്ള ഇടപാടുകൾ ബാങ്കുകൾ താൽക്കാലികമായി നിർത്തിവയ്ക്കുന്നതടക്കമുള്ള കർശന നടപടികൾ ഭാവിയിൽ സ്വീകരിക്കുമെന്ന് മാനവ വിഭവശേഷി സമിതി ആക്ടിംഗ് ഡയറക്ടർ ജനറൽ എൻജിനീയർ റബാബ് അൽ-ഒസൈമി അറിയിച്ചു.

സാങ്കേതിക അവലോകനം: ബാങ്കിംഗ് മേഖലയിലെ പ്രതിനിധികൾ ഉന്നയിച്ച സാങ്കേതിക പ്രശ്നങ്ങളും നിർദ്ദേശങ്ങളും യോഗം വിശദമായി ചർച്ച ചെയ്തു.

പുതിയ സംവിധാനം യാഥാർഥ്യമാകുന്നതോടെ കുവൈത്തിലെ തൊഴിലാളികളുടെ ശമ്പള വിതരണം കൂടുതൽ സുതാര്യവും കാര്യക്ഷമവുമാകും.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/JwjTxtP7SMiEbr9IDkTJiK?mode=ems_copy_c

വീണ്ടും വരുന്നു; കുവൈത്തിലെ ബാങ്കുകൾ സമ്മാന നറുക്കെടുപ്പുകൾ ഉടൻ പുനരാരംഭിച്ചേക്കും

കുവൈത്ത് സിറ്റി ∙ മാസങ്ങളോളം നീണ്ടുനിന്ന അനിശ്ചിതത്വങ്ങൾക്കൊടുവിൽ, കുവൈത്തിലെ ബാങ്കുകൾ ഉടൻ തന്നെ സമ്മാന നറുക്കെടുപ്പുകൾ പുനരാരംഭിച്ചേക്കും. സമ്മാന നറുക്കെടുപ്പുകൾക്ക് മേൽനോട്ടം വഹിക്കുന്നതുമായി ബന്ധപ്പെട്ട് വാണിജ്യ വ്യവസായ മന്ത്രാലയവും കുവൈത്ത് സെൻട്രൽ ബാങ്കും തമ്മിൽ ധാരണയിലെത്തിയതോടെയാണ് നറുക്കെടുപ്പുകൾക്ക് വീണ്ടും സാധ്യത തെളിഞ്ഞത്.

അൽ-റായ് പത്രത്തിന്റെ റിപ്പോർട്ട് അനുസരിച്ച്, സമ്മാന നറുക്കെടുപ്പുകൾ നടത്താൻ ആഗ്രഹിക്കുന്ന ബാങ്കുകൾക്ക് ലൈസൻസ് നൽകാനുള്ള നടപടികളുമായി വാണിജ്യ വ്യവസായ മന്ത്രാലയം മുന്നോട്ട് പോകുകയാണ്. അതേസമയം, ഈ പ്രവർത്തനങ്ങളുടെ മേൽനോട്ടവും നിരീക്ഷണവും പൂർണ്ണമായും കുവൈത്ത് സെൻട്രൽ ബാങ്കിന്റെ ചുമതലയായിരിക്കും.

ലൈസൻസ് നൽകുന്നതിൽ മാത്രമായിരിക്കും മന്ത്രാലയത്തിന്റെ പങ്ക്. നറുക്കെടുപ്പുകളുടെ മേൽനോട്ടത്തിനോ നിരീക്ഷണത്തിനോ മന്ത്രാലയത്തിന് അധികാരമുണ്ടായിരിക്കില്ല.

സമ്മാനങ്ങളുടെ വിശ്വാസ്യത, നറുക്കെടുപ്പ് പ്രക്രിയയുടെ സുതാര്യത, വിജയികളുടെ കൃത്യത എന്നിവ ഉറപ്പാക്കേണ്ട പൂർണ്ണ ഉത്തരവാദിത്തം സെൻട്രൽ ബാങ്കിനായിരിക്കും.

സുതാര്യതയും കൃത്യതയും ഉറപ്പാക്കുന്നതിനുള്ള നടപടിക്രമങ്ങൾ അവലോകനം ചെയ്യുന്നതിനായി സെൻട്രൽ ബാങ്ക് നേരത്തെ ബാങ്കുകളുടെ നറുക്കെടുപ്പുകൾ നിർത്തിവെച്ചിരുന്നു. അതിനുശേഷം, വാണിജ്യ വ്യവസായ മന്ത്രാലയത്തിലെ ഉദ്യോഗസ്ഥരും നറുക്കെടുപ്പുകൾക്കായുള്ള പ്രത്യേക സമിതിയും ഇരുവിഭാഗത്തിന്റെയും ചുമതലകൾ നിർണ്ണയിക്കുന്നതുമായി ബന്ധപ്പെട്ട് ധാരണയിലെത്തി.

ഈ ധാരണയ്ക്ക് അന്തിമ രൂപമായാൽ, കഴിഞ്ഞ അഞ്ചു മാസത്തിലേറെയായി നിർത്തിവെച്ചിരുന്ന സമ്മാന നറുക്കെടുപ്പുകൾ ഉപഭോക്താക്കളെ ആകർഷിക്കുന്നതിനുള്ള പ്രധാന മാർഗ്ഗമായി കുവൈത്ത് ബാങ്കുകൾക്ക് വീണ്ടും ഉപയോഗിക്കാൻ കഴിയും.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/JwjTxtP7SMiEbr9IDkTJiK?mode=ems_copy_c

നാട്ടിലേക്ക് പണം അയയ്ക്കാൻ ഇത് നല്ല സമയമാണോ?; ഇന്നത്തെ കുവൈത്ത് ദിനാർ – രൂപ വിനിമയ നിരക്ക് ഇപ്രകാരം

ഇന്നത്തെ കറൻസി ട്രേഡിംഗ് അനുസരിച്ച്, യുഎസ് ഡോളറിനെതിരെയുള്ള ഇന്ത്യൻ രൂപയുടെ വിനിമയ നിരക്ക് 88.277184 ആയി. അതേസമയം, ഇന്ന് ഒരു കുവൈത്ത് ദീനാറിന്റെ മൂല്യം 288.64 ആയി. അതായത് 3.46 ദിനാർ നൽകിയാൽ 1000 ഇന്ത്യൻ രൂപ ലഭിക്കും.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/JwjTxtP7SMiEbr9IDkTJiK?mode=ems_copy_c

കുവൈത്തില്‍ വൻ തീപിടിത്തം, മൂന്ന് വെയർഹൗസുകളിൽ തീപടർന്നു

കുവൈറ്റിലെ അൽ-സുലൈബിയ കാർഷിക മേഖലയിലെ ഫാമിലെ മൂന്ന് വെയർഹൗസുകളിലുണ്ടായ തീപിടിത്തം ആറ് അഗ്നിശമന സേനാ സംഘങ്ങൾ നിയന്ത്രണവിധേയമാക്കി. പെയിന്റുകൾ, ഡീസൽ, ഗ്യാസ് സിലിണ്ടറുകൾ, മറ്റ് കത്തുന്ന വസ്തുക്കൾ എന്നിവ ഗോഡൗണുകളിൽ ഉണ്ടായിരുന്നു. തീ നിയന്ത്രിക്കാനും അത് പടരുന്നത് തടയാനും ടീമുകൾ വേഗത്തിൽ പ്രവർത്തിച്ചു, ഭാഗ്യവശാൽ, കാര്യമായ പരിക്കുകളൊന്നും റിപ്പോർട്ട് ചെയ്തിട്ടില്ല. അസൈൻമെന്റ് വഴി സിവിൽ പ്രൊട്ടക്ഷൻ ഡെപ്യൂട്ടി പ്രസിഡന്റ് ബ്രിഗേഡിയർ ഒമർ അബ്ദുൽ അസീസ് ഹമദിന്റെ നേരിട്ടുള്ള ഫീൽഡ് മേൽനോട്ടത്തിലാണ് അഗ്നിശമന പ്രവർത്തനം നടത്തിയത്.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/JwjTxtP7SMiEbr9IDkTJiK?mode=ems_copy_c

കുവൈത്തിൽ വാഹനങ്ങൾ കൂട്ടിയിടിച്ച് രണ്ടു പേർക്ക് ദാരുണാന്ത്യം; നാലു പേർക്ക് പരിക്ക്

കുവൈത്ത് സിറ്റി: സിക്സ്ത് റിങ് റോഡിൽ വാഹനാപകടത്തിൽ രണ്ട് പേർ മരിക്കുകയും നാലു പേർക്ക് പരിക്കേൽക്കുകയും ചെയ്തു. കഴിഞ്ഞ ദിവസം വൈകുന്നേരമാണ് അപകടം നടന്നത്.

കൂട്ടിയിടിച്ചതിന് ശേഷം ഒരു വാഹനം റോഡിൽ നിന്ന് തെന്നിമാറി. അപകടവിവരമറിഞ്ഞ് ഉടൻ സ്ഥലത്തെത്തിയ അഗ്നിശമന സേനാംഗങ്ങൾ രക്ഷാപ്രവർത്തനം നടത്തി. മരിച്ചവരുടെ മൃതദേഹങ്ങൾ ഫോറൻസിക് പരിശോധനക്കായി മാറ്റി. പരിക്കേറ്റവരെ ഉടൻ തന്നെ ആശുപത്രിയിൽ പ്രവേശിപ്പിച്ചു.

കുവൈറ്റ് എണ്ണ വിലയിൽ ഇടിവ്: പുതിയ വില അറിയാം

കുവൈറ്റ് സിറ്റി: വെള്ളിയാഴ്ച കുവൈറ്റ് എണ്ണയുടെ വില ബാരലിന് 1.27 ഡോളർ കുറഞ്ഞു. ഇതോടെ ഒരു ബാരലിന് 71.70 ഡോളറായി. കഴിഞ്ഞ ദിവസത്തെ വ്യാപാരത്തിൽ ഇത് 72.97 ഡോളറായിരുന്നു. എണ്ണവിലയിലെ ഈ ഇടിവ് ആഗോള വിപണിയിലെ മാറ്റങ്ങളെ സൂചിപ്പിക്കുന്നു. എണ്ണ ഉൽപ്പാദനം സംബന്ധിച്ച ഒപെക് രാജ്യങ്ങളുടെയും സഖ്യകക്ഷികളുടെയും തീരുമാനങ്ങൾ എണ്ണ വിലയെ നേരിട്ട് സ്വാധീനിക്കുന്നുണ്ട്.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/JwjTxtP7SMiEbr9IDkTJiK?mode=ems_copy_c

ഡിജിറ്റൽ ലൈസൻസ് എങ്ങനെ ഡൗൺലോഡ് ചെയ്യാം ?

https://parivahan.gov.in/ എന്ന വെബ്സൈറ്റിൽ പ്രവേശിക്കുക.
ഓപ്പണാകുന്ന പേജിന് മുകളിലുള്ള മൂന്ന് വരകളിൽ ക്ലിക്ക് ചെയ്യുക.
ഡ്രൈവിങ് ലൈസൻസ് റിലേറ്റഡ് സർവീസ് എന്ന ഓപ്ഷൻ തിരഞ്ഞെടുക്കുക.
പുതുതായി ഓപ്പണാകുന്ന പേജിൻ്റെ മുകളിൽ, ‘ചേഞ്ച് സ്റ്റേറ്റ്’ എന്ന ഓപ്ഷനിൽ ക്ലിക്ക് ചെയ്ത് ‘കേരളം’ എന്ന് സെലക്ട് ചെയ്യുക.
പുതുതായി ഓപ്പണാകുന്ന പേജിലെ ‘ഡ്രൈവിങ് ലൈസൻസ്’ എന്ന ലിങ്കിൽ ക്ലിക്ക് ചെയ്ത് ‘പ്രിൻ്റ് ഡ്രൈവിങ് ലൈസൻസ്’ എന്ന ഓപ്ഷൻ തിരഞ്ഞെടുക്കുക.
പുതുതായി ഓപ്പണാകുന്ന പേജിൽ ലഭ്യമായ ആപ്ലിക്കേഷൻ നമ്പ‍രും ജനനത്തീയതിയും നൽകുക.
സബ്മിറ്റ് എന്ന ലിങ്കിൽ ക്ലിക്ക് ചെയ്യുക.
പുതുതായി ഓപ്പണാകുന്ന പേജിലെ ‘സെലക്ട് പ്രിൻ്റ് ഓപ്ഷൻ’ എന്നതിന് താഴെ ‘പിവിസി കാർഡ്’ എന്ന ഓപ്ഷനിൽ ക്ലിക്ക് ചെയ്ത് ആക്ടീവാക്കുക.
ഡ്രൈവിങ് ലൈസൻസ് ആപ്ലിക്കേഷൻ സമർപ്പിക്കുമ്പോൾ നൽകിയ മൊബൈൽ നമ്പരിലേക്ക് ലഭിക്കുന്ന ആറക്ക ഒടിപി നൽകുക. ഈ സമയം പേജ് റീഫ്രഷ് ചെയ്യാനോ പിന്നോട്ട് പോകാനോ ശ്രമിക്കരുത്
‘ഡിഎൽ പ്രിൻ്റ്’ എന്ന ഐക്കണിൽ ക്ലിക്ക് ചെയ്യുക
ഡൗൺലോ‍ഡ് എന്ന ഓപ്ഷനിൽ ക്ലിക്ക് ചെയ്താൽ പിഡിഎഫ് രൂപത്തിൽ ലൈസൻസ് ഡൗൺലോ‍ഡാകും.