എല്ലാ പരീക്ഷ മാർഗ്ഗനിർദ്ദേശങ്ങളും പാലിച്ചുകൊണ്ട് തുടർച്ചയായ രണ്ടാം വർഷവും ദേശീയ യോഗ്യത – കം – എൻട്രൻസ് ടെസ്റ്റ് വിജയകരമായി കുവൈറ്റിൽ നടത്തി. കുവൈറ്റിലെ ഇന്ത്യൻ കമ്മ്യൂണിറ്റി സ്കൂളിലാണ് ഈ വർഷത്തെ പരീക്ഷ നടന്നത്. കഴിഞ്ഞ വർഷം, 2021-ൽ, നീറ്റ് പരീക്ഷ നടത്തുന്നതിന് ഇന്ത്യക്ക് പുറത്തുള്ള ആദ്യത്തെ കേന്ദ്രമായി ഇന്ത്യാ ഗവൺമെന്റ് കുവൈത്ത് അനുവദിച്ചിരുന്നു. ഇന്ത്യൻ എംബസി പരിസരത്ത് അംബാസഡർ ശ്രീ സിബി ജോർജിന്റെ നേതൃത്വത്തിൽ ഇന്ത്യൻ എംബസി ഒരുക്കിയ വിപുലമായ സജ്ജീകരണത്തിലാണ് പരീക്ഷ നടന്നത്. കുവൈറ്റിലെ ഒരു വലിയ കൂട്ടം ഇന്ത്യൻ വിദ്യാർത്ഥികളുടെ പ്രയോജനത്തിനായി കുവൈറ്റിൽ ആദ്യമായാണ് കഴിഞ്ഞ വർഷം ഒരു നീറ്റ് പരീക്ഷ നടന്നത്.
കുവൈറ്റിലെ നീറ്റ് പരീക്ഷയുടെ സുരക്ഷിതവും, സുഗമവുമായ നടത്തിപ്പിൽ പങ്കെടുക്കുകയും പിന്തുണയ്ക്കുകയും ചെയ്ത എല്ലാവർക്കും ആത്മാർത്ഥമായ നന്ദി അറിയിക്കുന്നതായി ഇന്ത്യൻ എംബസി പ്രസ്താവനയിൽ അറിയിച്ചു. കുവൈത്തിൽ NEET (UG) പരീക്ഷാ കേന്ദ്രം അനുവദിച്ചതിൽ ബഹുമാനപ്പെട്ട പ്രധാനമന്ത്രിക്കും ബഹുമാനപ്പെട്ട വിദ്യാഭ്യാസ മന്ത്രിക്കും കുവൈറ്റിലെ എംബസി നന്ദി അറിയിച്ചു. കുവൈറ്റിൽ പരീക്ഷ സംഘടിപ്പിക്കുന്നതിന് നൽകിയ എല്ലാ സഹായത്തിനും എൻടിഎയ്ക്കും ഇന്ത്യയിലെയും കുവൈറ്റിലെയും മറ്റ് ബന്ധപ്പെട്ട അധികാരികളോടും എംബസി നന്ദി രേഖപ്പെടുത്തി. ഈ വർഷം കുവൈറ്റിൽ 300 ഓളം വിദ്യാർത്ഥികളാണ് നീറ്റ് പരീക്ഷ എഴുതിയത്. എല്ലാ വിദ്യാർത്ഥികൾക്കും അവരുടെ ഭാവി ഉദ്യമങ്ങളിൽ എംബസി ആത്മാർത്ഥമായ ആശംസകൾ അറിയിച്ചു.കുവൈറ്റിലെ വാർത്തകളും വിശേഷങ്ങളും അറിയാൻ വാട്സാപ്പ് ലിങ്കിൽ ക്ലിക്ക് ചെയ്യുക
https://chat.whatsapp.com/IU1w7h5kO3BEmOsrHGW8R5
