കുവൈത്തിലെ സഹകരണ സംഘങ്ങൾ മന്ത്രാലയവുമായി ഓട്ടോമേറ്റഡ് ലിങ്കേജ് വഴി ബന്ധിപ്പിച്ചു: ഭക്ഷ്യസുരക്ഷ ഉറപ്പാക്കുക ലക്ഷ്യം
കുവൈത്ത് സിറ്റി: കുവൈത്തിലെ 45 സഹകരണ സംഘങ്ങളുടെ (ജംഇയ്യകൾ) സാമ്പത്തിക, ഭരണപരവും തന്ത്രപരവുമായ സ്റ്റോക്ക് വിവരങ്ങൾ സാമൂഹിക കാര്യ മന്ത്രാലയവുമായി ഓട്ടോമേറ്റഡ് ലിങ്കേജ് വഴി ബന്ധിപ്പിച്ചു. ശേഷിക്കുന്ന ജംഇയ്യകളെയും ഈ സംവിധാനവുമായി ഉടൻ ബന്ധിപ്പിക്കുമെന്ന് സാമൂഹിക കാര്യ മന്ത്രാലയത്തിലെ സാമ്പത്തിക, ഭരണ, സഹകരണ കാര്യ വിഭാഗം അസിസ്റ്റന്റ് അണ്ടർസെക്രട്ടറി ഡോ. സയ്യിദ് ഇസ്സ അറിയിച്ചു.
ജംഇയ്യകളിലെ മേൽനോട്ടം വർധിപ്പിക്കുക, ഭക്ഷ്യസുരക്ഷ ഉറപ്പാക്കുക, സാമ്പത്തിക, ഭരണ നടപടിക്രമങ്ങൾ, ഉപഭോക്തൃ ഇൻവെന്ററി എന്നിവയെക്കുറിച്ചുള്ള കൃത്യവും തത്സമയവുമായ വിവരങ്ങൾ നിരീക്ഷിക്കുക എന്നിവ ലക്ഷ്യമിട്ടാണ് മന്ത്രാലയം ഈ നടപടി നടപ്പിലാക്കുന്നത്.
തത്സമയ സ്റ്റോക്ക് നിരീക്ഷണം
ഈ പുതിയ സംവിധാനം വഴി, രാജ്യത്തെ സ്വദേശികളും വിദേശികളും ഏറ്റവും കൂടുതൽ ഉപയോഗിക്കുന്ന പ്രധാന ഭക്ഷ്യ ഉൽപ്പന്നങ്ങളായ അരി, പഞ്ചസാര, പയർ, മാവ്, പാചക എണ്ണ, കോഴിയിറച്ചി, പാസ്ത, ചായപ്പൊടി, വെള്ളം, ടിന്നിലടച്ച ഭക്ഷ്യോത്പന്നങ്ങൾ, ട്യൂണ എന്നിവയുടെ സ്റ്റോക്ക് വിവരങ്ങൾ തത്സമയം നിരീക്ഷിക്കാൻ മന്ത്രാലയത്തിന് സാധിക്കും.
യഥാർത്ഥ സ്റ്റോക്കിന്റെ അളവ്, അവ എത്ര ദിവസത്തേക്ക് മതിയാകും, സ്റ്റോക്കിൽ നിന്ന് ഉൽപ്പന്നങ്ങൾ പിൻവലിക്കുന്നതിന്റെ തോത് എന്നിവയെക്കുറിച്ചുള്ള വിവരങ്ങളും ഈ സംവിധാനം വഴി നിരീക്ഷിക്കാൻ കഴിയും. വിതരണത്തിലോ സംഭരണത്തിലോ ഉണ്ടാകാവുന്ന ക്ഷാമങ്ങളെക്കുറിച്ചോ കുറവുകളെക്കുറിച്ചോ വേഗത്തിലും ഫലപ്രദമായും തീരുമാനങ്ങൾ എടുക്കുന്നതിനും, ദൈനംദിന വിശകലനങ്ങൾ നൽകുന്നതിനും ഇത് ഏറെ സഹായകമാകും.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/LXkAQWFENhKJ0MX7QxTdN5?mode=ac_t
Comments (0)