കുവൈത്ത് സിറ്റി: കുവൈത്ത് എയർവേയ്‌സ് വിമാനത്തിൽ സുരക്ഷാ ജീവനക്കാരെ ആക്രമിക്കുകയും അപമാനിക്കുകയും ചെയ്ത കേസിൽ രണ്ട് കുവൈത്തി സ്ത്രീകൾക്ക് കീഴ്‌ക്കോടതി നൽകിയ ഇളവ് കാസേഷൻ കോടതി ശരിവച്ചു. അതേസമയം, കേസിൽ ഉൾപ്പെട്ട മൂന്നാമത്തെ സ്ത്രീയെ പൂർണ്ണമായും കുറ്റവിമുക്തയാക്കി.

സംഭവത്തിൽ, യാത്രക്കാരുടെയും ജീവനക്കാരുടെയും സുരക്ഷ കണക്കിലെടുത്ത് വിമാനത്തിന്റെ പൈലറ്റിന് ബാങ്കോക്കിലേക്ക് തിരിച്ചുപോകേണ്ടി വന്നിരുന്നു. വിമാനത്തിലെ സുരക്ഷാ ഉദ്യോഗസ്ഥരുമായി രണ്ട് സ്ത്രീകളും വാക്കേറ്റത്തിൽ ഏർപ്പെടുകയും, അത് ശാരീരികമായ അക്രമത്തിനും വാക്കാലുള്ള അധിക്ഷേപത്തിനും വഴിമാറുകയായിരുന്നു. ഈ പ്രവൃത്തികൾ വിമാനത്തിലെ ക്രമസമാധാനത്തെ ബാധിച്ചെന്ന് കോടതി കണ്ടെത്തി. എന്നിരുന്നാലും, ശിക്ഷ നടപ്പാക്കേണ്ടതില്ലെന്നും പകരം കുറ്റപത്രം നൽകിയാൽ മതിയെന്നും കോടതി തീരുമാനിച്ചു.

സംഘർഷത്തിൽ പങ്കെടുക്കാത്തതിനാലും ജീവനക്കാരോടോ സുരക്ഷാ ഉദ്യോഗസ്ഥരോടോ മോശമായി പെരുമാറാത്തതിനാലും കേസിൽ ഉൾപ്പെട്ട മൂന്നാമത്തെ സ്ത്രീയെ നേരത്തെ തന്നെ കുറ്റവിമുക്തയാക്കിയിരുന്നു. ഈ വിധി കാസേഷൻ കോടതിയും ശരിവച്ചു. സാക്ഷികളുടെ മൊഴികളും അന്വേഷണ റിപ്പോർട്ടുകളും ഇത് ശരിവെക്കുന്നുണ്ട്.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/LXkAQWFENhKJ0MX7QxTdN5?mode=ac_t