ആടുകച്ചവടക്കാരൻറെ പേരിൽ 263 ആളുകൾക്ക് വ്യാജ കുവൈത്ത് പൗരത്വം; പുറത്തുവന്നത് ഞെട്ടിക്കുന്ന വിവരങ്ങൾ
kuwait citizenshipആടുകച്ചവടക്കാരൻറെ പേരിൽ 263 ആളുകൾക്ക് വ്യാജ കുവൈത്ത് പൗരത്വം; പുറത്തുവന്നത് ഞെട്ടിക്കുന്ന വിവരങ്ങൾ കുവൈത്തിൽ സമീപകാലത്ത് നടന്ന ഏറ്റവും വലിയ പൗരത്വത്തട്ടിപ്പുകളിലൊന്ന് അന്വേഷണത്തിലൂടെ കണ്ടെത്തി. പത്ത് മാസത്തോളം നീണ്ട അന്വേഷണത്തിനൊടുവിൽ കുവൈത്ത് സുപ്രീം നാഷണാലിറ്റി കമ്മിറ്റിയാണ് കേസ് പുറത്തുകൊണ്ടുവന്നത്.
ഒരു ആടുവ്യാപാരിയുടെ പൗരത്വ രേഖകൾ പരിശോധിക്കുന്നതിനിടെയാണ് ഈ തട്ടിപ്പ് വെളിച്ചത്തുവന്നത്. മരിച്ചുപോയ ഈ വ്യാപാരിയുടെ രേഖകളിൽ നടത്തിയ സാധാരണ പരിശോധന വലിയൊരു തട്ടിപ്പ് ശൃംഖലയിലേക്ക് അന്വേഷണ ഉദ്യോഗസ്ഥരെ നയിച്ചു.
രണ്ട് ഇറാഖി തൊഴിലാളികളെ സ്വന്തം മക്കളായി രേഖകളിൽ ഉൾപ്പെടുത്തിയാണ് ഇയാൾ തട്ടിപ്പിന് തുടക്കമിട്ടത്. പിന്നീട്, ഈ വ്യാജ മക്കളുടെ പേരുകളിൽ 200-ൽ അധികം പേർക്ക് കുവൈത്ത് പൗരത്വം നേടാൻ സഹായിച്ചു. ഒരാളുടെ കീഴിൽ 62 പേർക്കും മറ്റൊരാളുടെ കീഴിൽ 159 പേർക്കും പൗരത്വം ലഭിച്ചു. ഇതിൽ ഇയാളുടെ മുൻ ഭാര്യയുടെ ഇറാഖി പൗരന്മാരായ മക്കളും ഉൾപ്പെട്ടിരുന്നു.
വിവിധ വംശപരമ്പരകളും കുടുംബബന്ധങ്ങളും ഉൾപ്പെട്ടതിനാൽ ഈ കേസ് അന്വേഷകർക്ക് വലിയ വെല്ലുവിളിയായിരുന്നു. എന്നാൽ, ദേശീയ അന്വേഷണ വിഭാഗം നടത്തിയ വിശദമായ ഡി.എൻ.എ പരിശോധനയിലൂടെയും രേഖകളുടെ സൂക്ഷ്മമായ പരിശോധനയിലൂടെയും 263 പേർ വ്യാജമായി പൗരത്വം നേടിയതായി കണ്ടെത്താനായി. എല്ലാ തട്ടിപ്പുകളും സ്ഥിരീകരിച്ചതോടെ, പൗരത്വ രേഖകളുടെ വിശ്വാസ്യതയെ ചോദ്യം ചെയ്ത ഈ കേസിന് ഔദ്യോഗികമായി തിരശ്ശീല വീണു.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/JwjTxtP7SMiEbr9IDkTJiK?mode=ems_copy_c
Comments (0)