കുവൈറ്റിലെ സ്കൂളിൽ പാമ്പിനെ കണ്ടെത്തി

കുവൈറ്റിലെ ഹവല്ലിയിൽ സ്കൂളിൽ പാമ്പിനെ കണ്ടെത്തി. വിദ്യാഭ്യാസ സ്ഥാപനത്തിലെ അധ്യാപകരും വിദ്യാർത്ഥികളുമാണ് ഒരു വലിയ പാമ്പിനെ കണ്ടതായി അറിയിച്ചത്. തുടർന്ന് ആഭ്യന്തര മന്ത്രാലയത്തിലെ അധികൃതരെയും മൃഗസംരക്ഷണ വിദഗ്ധരെയും വിന്യസിച്ചു. പാമ്പിനെ കണ്ടെത്തുന്നതിനും പിടികൂടുന്നതിനും സുരക്ഷിതമായി കൈകാര്യം ചെയ്യുന്നതിനും ഒരു സുരക്ഷാ പട്രോളിംഗ് അയയ്ക്കുകയും ഉദ്യോഗസ്ഥരെ ഏകോപിപ്പിക്കുകയും ചെയ്തു.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/JwjTxtP7SMiEbr9IDkTJiK?mode=ems_copy_c

കുവൈറ്റിൽ “സഫ്രി” സീസൺ; ഈ രോഗങ്ങൾ വരാൻ സാധ്യതയേറെ; ശ്രദ്ധിക്കാം ഈകാര്യങ്ങൾ

കുവൈറ്റ് നിലവിൽ “സഫ്രി” സീസണിലൂടെയാണ് കടന്നുപോകുന്നതെന്ന് ജ്യോതിശാസ്ത്രജ്ഞനായ ആദേൽ അൽ-സാദൂൺ സ്ഥിരീകരിച്ചു. കാലാവസ്ഥാ വ്യതിയാനങ്ങൾ പ്രകടമാകുന്ന ഒരു പരിവർത്തന കാലഘട്ടമാണിത്. പൂമ്പൊടി സാന്നിധ്യം വർദ്ധിക്കുന്നതിനാൽ ഈ സമയത്ത് ചില വ്യക്തികളിൽ ശ്വസന രോഗങ്ങൾ പടരുന്നുണ്ടെന്ന് അദ്ദേഹം ചൂണ്ടിക്കാട്ടി. പല പ്രദേശങ്ങളിലും ഇപ്പോൾ ഈ പ്രതിഭാസം പ്രകടമാണ്.

പ്രായമായവർക്കും കുട്ടികൾക്കും ആസ്ത്മ, അലർജി എന്നിവയാൽ ബുദ്ധിമുട്ടുന്നവർക്കും ഈ കാലഘട്ടം പ്രത്യേകിച്ചും സെൻസിറ്റീവ് ആണെന്ന് വിശദീകരിച്ചു. ആരോഗ്യപ്രശ്നങ്ങൾക്കുള്ള സാധ്യത കുറയ്ക്കുന്നതിന് തുറസ്സായ സ്ഥലങ്ങളിൽ മാസ്ക് ധരിക്കുക, ശക്തമായ കാറ്റുള്ളപ്പോൾ പുറത്തെ പ്രവർത്തനങ്ങൾ ഒഴിവാക്കുക തുടങ്ങിയ പ്രതിരോധ നടപടികൾ സ്വീകരിക്കാൻ അദ്ദേഹം പൊതുജനങ്ങളെ ഉപദേശിച്ചു. “സഫ്രി” സീസൺ സാധാരണയായി മഴക്കാലം ആരംഭിക്കുന്നതോടെ അവസാനിക്കുമെന്നും ഇത് അന്തരീക്ഷം ശുദ്ധീകരിക്കാനും മലിനീകരണം കുറയ്ക്കാനും സഹായിക്കുമെന്നും അദ്ദേഹം കൂട്ടിച്ചേർത്തു.

കുവൈത്തിൽ സിഗററ്റ് കള്ളക്കടത്ത്: 12 പേർ പിടിയിൽ

നുവൈസിബ് തുറമുഖം വഴി രാജ്യത്ത് നിന്നും കടത്താ ശ്രമിച്ച 118 കാർട്ടൺ സിഗരറ്റുകൾ അധികൃതർ പിടികൂടി. സംഭവവുമായി ബന്ധപ്പെട്ട് 12 പേർ അറസ്റ്റിലായി. രണ്ട് കാറുകളുടെ ഇന്ധന ടാങ്കിനുള്ളിലും പിൻസീറ്റിലുമായി ഒളിപ്പിച്ച നിലയിലായിരുന്നു സിഗരറ്റുകൾ. രാജ്യത്ത് നിന്ന് പുറത്തേക്ക് പോകാർ ശ്രമിക്കുന്നതിനിടെയാണ് പ്രതികൾ പിടിയിലായത്. സംഭവത്തിൽ കസ്റ്റംസ് അധികൃതർ അന്വേഷണം ആരംഭിച്ചു. ഈയിടെയായി സിഗററ്റ് കള്ള കടത്ത് ഉയരുന്നതായി റിപ്പോർട്ട് ഉണ്ട്. അയൽ രാജ്യങ്ങളിലെ നികുതി വർധനയാണ് കാരണമെന്നാണ് വിവരം.